Loksins loksins

Hæ hæ og hó hó.

Loksins tókst mér að setja inn nýjar myndir, kerfið hefur eitthvað verið að stríða mér að undanförnu.

Héðan er allt frábært að frétta, þvílíkur hiti búin að vera hérna síðustu tvær vikur og ég segi það aftur og aftur(já eða skrifa)  DANSKA SUMARVEÐRIÐ ER ALVEG FRÁBÆRT.

Palli er orðin meistari og fékk karlinn 10 fyrir lokaritgerðina sína Við erum svo stolt af meistaranum okkar, svo ekki sé nú minnst á hvað okkur líður betur að eiga meistara þetta er allt annað og betra líf
Palli verður að vinna í Grundfoss til júníloka og tekur hann svo þátt í ritgerðarsamkeppni sem er haldinn í Grundfoss sem hann vinnur vonandi(Það kostar ekkert að láta sig langa)
Nú hefst leitin mikla hjá honum að leyta að atvinnu hvort sem það verður í Danmörku eða á Íslandi.

Heimir er loksins(eins og hann orðar það) komin í sumarfrí, síðasti skóladagur var í dag hjá honum og einnig er fótboltinn og handboltinn komin í sumarfrí, þannig að þetta verður nice hjá karlinum næsta einn og hálfa mánuð.

Kristján Ragnar fer í frí 13 júlí og á að vera í fríi í 4 vikur, hvernig sem það mun nú ganga hann verður örugglega farin að kvarta eftir 3 daga, þá á hann eftir að segja "mamma....við skulum drífa okkur í skólann minn...................en þetta á allt eftir að koma í ljós.

Dagmar Huld braggast og þroskast með hverjum deginum.  Er hún farin að fara af maganum yfir á bakið þegar hún er á gólfinu við mikinn fögnuð móður sinnar(sem hefur náttúrulega ekki séð svona bráðþroska barn fyrr)  Dagmar ljómar af gleði þegar hún sér Stjána sinn en Heimir greyið vekur ekki eins mikla lukku ennþá en það getur nú breyst.
 

Allt fínt að frétta af okkur hérna í Aarhus.

Palli skrifar og skrifar enda á loka-ritgerðin hans að skilast á þriðjudaginn 2 júní, svo hann er alla daga og langt frameftir við skriftir, er hann með aðstöðu hjá Axel danska frænda sínum og Mette konunni hans.
Axel þjónustar hann eins og kóngi eldar í hádeginu fyrir hann og ég veit ekki hvað og hvað.

Palla bauðst vinna um daginn upp í norður Noregi í bæ sem heitir Hammerfest.  Við fórum að líta á aðstæður og litumst svona og svona á staðinn.  Þetta er eflaust fínasti bær en að fara frá Aarhus í blóma og þarna uppeftir var pínu viðbrigði, það hefði eflaust verið betra að koma frá Íslandi
Við ákváðum að segja pass við þessu ævintýri og vonum bara að einhver önnur vinna komi í staðinn.

Hulla braggast mjög vel.  Pæjan okkar er þriggja og hálfsmánað ótrúlegt en satt (tíminn líður)
Við vorum að tala um það um daginn að hún hefur verið í þremur löndum Danmörku, Íslandi og Noregi geri aðrir betur.  Sem betur fer er hún rosalega meðfærileg við allar aðstæður. 

Stjáni talar betur og betur íslensku svo það er allt á réttri leið, er hann rosalega glaður með leikskólan sinn og vini, en þrjóskari dreng hef ég ekki kynnst það hálfa væri nóg skal ég segja ykkur (hvað skildi hann hafa það)

Heimir er sáttur og glaður og gengur vel, hugsar ekki um annað en stelpur og íþróttir þessa dagana. Setur gél í hárið og buxurnar niðrá miðjan rass, svakalegur töffari orðin

Bjössi, Eygló og Heiddi komu í heimsókn til okkar um daginn.  Var það alveg magnað, ýmislegt var brasað,  það var rosalega tómlegt þegar þau voru farin,  svo ég minnist ekki á það að nú þarf ég sjálf að hengja upp þvottinn, brjóta hann saman, moppa og baka kökur og hugsa ein um börnin þetta er ekkert smá álag
Hef ég haft marga góða gesta-aupair en hún Eygló mín sló þeim öllum við og svo kenndi hún mér að prjóna (geri aðrir betur) eða rifjaði það upp með mér. 

Jæja þetta er orðið gott í bili. Heitar kveðjur frá Aarhus í svaðalegum hita. Hjödda og co.

 

:

Nýjar myndir undir Apríl 2009.

Komumst að því um daginn að það var ein sem trúði því að ljósmóðirin hefði pissað á sig hér, ekki nóg með það heldur var viðkomandi búin að sýna mörgum myndina og segja frá skrítnu ljósmóðurinni í Aarhus, gaman þegar gott grín heppnast vel.

Lítið að frétta þannig séð, jú það er komið sumar en samt ekkert sérstakt ennþá.

Nýjar myndir undir Mars 2009 nr 3.

Héðan er allt gott að frétta, vorið komið og gróðurinn og fuglalífið á hraðri uppleið.  Sumartíminn skall á um miðnætti og erum við því tveimur tímum á undan ykkur þarna á klakanum.

Við fórum með Dagmar Huld í 5 vikna skoðun á fimmtudaginn og hefur hún þyngst um 1,5 kg og lengst um 6 cm þannig að hún fær nóg að drekka : )Læknirinn benti mér á að ég gæti farið á sjúkrahúsið og lagt inn aukamjólk handa þurfandi börnum og verið þar með fyrirmyndar borgari en  fóstrurnar á leikskólanum hjá Kristjáni vildu meina að ég gæti selt móðurmjólkna og fyrst ég væri Íslendingur veitti mér nú örugglega ekki af peningnum en ég sagði að það eina sem ég ætti nóg af væru peningar já og svo auðvitað börn.

Kristján fékk rör í eyrun í þarsíðustu viku og taldi eyrnalæknirinn að nú færi kappinn að heyra aftur, enda er ég ekki frá því að hann segi sum orðanna á skírari hátt enn fyrir rör.

Heimir er að fara í keppnisferðalag á föstudaginn með handboltaliðinu sínu til bæjar sem heitir Vojens sem er rétt við þýsku landamærin, er tilhlökkunin gríðaleg og á ég von á að þeir standi sig með prýði, allir gélaðir með deo undir höndum.

Heyrumst, skrifumst já eða sjáumst.  Hjödda og co.

 

Nýjar myndir sem fóru undir Mars 2009 nr 2

Nýjar myndir komnar inn, við erum undir gríðarlegri pressu frá konu á Húsavík um að dæla inn myndum helst hraðar en þær eru teknar.
Kalliði mig bara Pétur (ljósmyndara), ekki leiðum að líkjast þar 
Ljósmóðirin þvagleka hefur ekki komið aftur í heimsókn en við höfum séð hana vera að norpa hér í götunni flesta daga, við gerðum henni ljóst að hún fengi ekki að koma aftur inn því að tuskurnar væru í þvotti.
Hún virðist bara ekki skilja þetta blessuð konan.
Vegna fjöldaáskorana birtum við hér mynd sem við tókum af ljósmóðurinni þvagleku um daginn þegar hún var á leiðinni upp stigann.
Guðný þú hringir bara ef Palli á að taka hugarflug með þér.

Nýjar myndir undir Mars 2009

Allt gengur bærilega nema Kristján er orðinn lasinn, kannski ekki það besta í stöðunni en svona er þetta.
Dagmar Huld þyngdist um 550gr á hálfum mánuði, það telst nú ekki slæmt. Það kom ljósmóðir að skoða dömuna í gær og við þurftum að ganga á eftir henni með tusku þar sem hún missti ítrekað þvag. Við urðum mjög hissa á þessu háttalagi konunnar en þetta skýrðist allt þegar hún skar úr um það að fallegra og heilbrigðara barn hefði ekki sést í Arhus kommune svo árum skipti.
Hún vigtaði Dagmar með vog sem er ekki ósvipuð vog sem er á safnahúsinu á Mánárbakka og var notuð til að vigta fisk um það leyti sem land byggðist. Vogin var enn í fullu gildi og laug engu um stórbrotna mjólkurframleiðslu móðurinnar.

Nóg af þessu rugli en það eru myndir

Nýjar myndir undir Feb 2009 no 3.

Dagmar Huld dafnar vel og allir eru sáttir við þennan nýja fjölskyldumeðlim.

Bestu kveðjur

Jæja þá smullu inn myndir frá fyrsta deginum og svo nokkrar teknar síðustu 3 daga, eru í 2 albúmum merktum fæðing og svo Dagmar Huld - fyrsta vikan.
Gengið er heilt yfir gott á genginu og gengisfelling hefur lítil sem engin áhrif og gengismál heilt yfir, gengið er gengið sér til húðar.
Gengismál verða tekin af dagskránni hér með og gengið í búð.

Það er eitthvað bras og við náum ekki að hlaða inn myndunum ennþá, munum halda áfram að reyna

Síðastliðna nótt kl 00:38 þann 16 feb 2009 kom í heiminn á Skejby sygehus í Århus lítil og netta dama, hún var 3150gr og 49cm við fæðingu, hálfu kílói léttari en Kristján þegar hann fæddist. Hjödda vill meina að þetta sé sama uppskriftin og Kristján bara svona örlítið minni í sniðum.
Allt gekk vel við vorum komin á sjúkrahúsið kl 22 og komin aftur heim kl 04:00. Það er sko sparað víðar í heilbrigðiskerfinu en á Los Klakos.
Kristján er gríðarlega spenntur fyrir þessum nýja fjölskyldumeðlim og vill helst strjúka henni um höfuðið á afláts.
Meira síðar og setjum inn myndir í kvöld af prinsessunni.
Bestu kveðjur frá Århus

Nokkrar nýjar myndir undir feb 2009. Varð nátturulega að tæma myndavélina áður en nýjasti fjölskyldumeðlimurinn kemur í heiminn.  

Hæ hæ.
Var að setja inn myndir undir jan 2009.  Annars allt gott að frétta af okkur.
Heimir og Stjáni að fara í vetrarfrí í næstu viku og almenn ánægja með það.
Ég farin að bíða eftir að stúlkan fæðist (veit samt alveg að það þýðir ekkert að vera með óþolinmæði)en finnst samt bara eins og ég sé búin að bíða nógu lengi En er sett þann 15 febrúar svo þetta fer alveg að verða búið, en hugsa stundum um að ég var sett 15 okt með Stjána en hann kom 26 okt, vona að það verði ekki svipað í þetta sinn (sko26 feb)
En hún kemur þegar hún er tilbúin.
Palli er byrjaður á fullu í lokaritgerðinni, fer héðan út 7:10 á morgnana, tekur strætó niður í bæ og svo þaðan með lest til Bjerringbro þar sem Grundfoss er til húsa, þetta er klukkutíma ferðalag, svo kemur hann heim aftur um kl 18:00 þannig að þetta tekur sinn tíma fyrir karlinn, en þetta þykir nú ekki langt hér um slóðir.(svona er að búa í útlöndum
Vorum nánast búin að selja Carismuna núna um daginn, en svo fékk blessaður músliminn ekki lán í bankanum svo ekkert varð úr því.
Jæja læt þetta duga í bili, bið að heilsa heim.    Kveðja Hjödda.

Það eru komnar nýjar myndir inná myndasíðuna.

Myndir teknar kl 15 í dag af iðagrænum nýræktum skammt frá þar sem við búum.